كتب على سلامة ٢٢/ ٥/ ٢٠١١
مبتطلعش الكلمة كده بسهولة
غير وإنتى معايا..
وبقيت الأيام..
أنا فى الدنيا موظف عام..
من أول يوم فى الشهر مفلس
ومفيش جوايا..
غير زحمة ودوشة وأى كلام..
أشرب قهوتى ع النوتة
واسمع نفس الحدوتة ميت مرة
واضحك من بره..
وأنام..
ويوم ما صحيت فايق..
دارى بروحى..
فاتح قلبى..
رافع راسى..
رافض كل أغانى الحزن..
جتنى أوامر لازم أطاطى
لعربية أنابيب الغاز..
وأرجع أدوّر من تانى على بيت ينفع حضن
ألاقى كل بيوتنا إزاز..
ليست هناك تعليقات:
إرسال تعليق